उपभोक्ताबाट गैरकानूनीरुपमा व्याज असुल्दै एनसेल, त्यसैभनिएको रहेनछ लुट्नकै लागि एनसेल

काठमाडौँ ११ असार
एनसेलले प्रिपेड ग्राहकका लागि ऋण सुविधा दिने गर्दछ । रिचार्ज सकिइहाले एकपटकमा २० रुपैंयासम्म व्यालेन्स ऋणमा लिन पाइन्छ । ग्राहकले ऋणबापत २ रुपैंया व्याज तिनुपर्छ । एनसेलले अटोमेटिक २२ रुपैंया काट्छ । यो ऋण अति महंगो दरको छ ।

गाँउमा महिनाको सय रुपैंयाको २ रुपैंया ब्याज निकै चर्को मानिन्छ । त्यो बार्षिक २४ प्रतिशत ब्याज हो । त्यसैले मानिसहरु वैकिङ सेवामा ऋण लिन र दिन इच्छुक हुन्छन् । बैकबाट ऋण लिदा व्यक्तिलाई बार्षिक १० देखि १३ प्रतिशत ब्याज पर्न आँउछ ।

अब एन सेलको ऋणको हिसाव गरौं । त्यस स्किमको हिसाब गर्ने हो भने औसतमा १२ घण्टाको सापटी लाई इकाइ मान्दा पनि एक सय रुपैयाको एक दिनको ब्याज २० रुपैया पर्न आँउछ । त्यसलाई एक महिनाको हिसाब गर्दा ६०० रुपैयाँ ब्याज पर्न आँउछ भने त्यसैलाई बार्षिक ब्याजमा रुपान्तरण गर्दा ७२ सय हुन आँउछ ।

एक बर्षमा एक सय साँवाको ७ हजार २ सय ब्याज लिने कम्पनी हो एनसेल । सुन्दा कुरा २ रुपैंयाको हो । तर, अन्तर्यमा यही २ रुपैंयाबाट एनसेलले अरबौ असुलीरहेको छ उपभोक्ताबाट ।

ठगीको यो हदसम्मको उदाहरण सायद अन्त कतै हुन्छ । तर, सरोकारवाला निकाय अर्थमन्त्रालय, सञ्चार मन्त्रालय र उपभोक्ता मञ्च कसैले आवाज उठाएका छैनन् । बिज्ञापन गरेरै मिटरब्याज असुल्ने एनसेलले अर्बौ रकम राज्यलाई तिर्न बांकी रहेको सर्वविविदै छ । यसअघि तिरेको झण्डै १० अर्ब बराबर राजश्व त सानो अंशमात्रै भएको बताइन्छ ।

को के भन्छन्  ?

एनसेलबारे अर्थसमितिको बैठकमा पूर्वमुख्य सचिव बिमल कोइराला र लीलामणि पौड्यालले दिएको अभिव्यक्ति आक्रामक थियो । पुर्व मुख्यसचिब लीलामणी पौडयालले ब्रम्हलुट देख्दा कस्तो देशको नागरीक भएर जन्मीएछु भनेजस्ता लाग्ने गरेको बताए । एनसेललगायतका अधिकाँश ठुला कम्पनीहरुले राजश्वमा मनपरी गर्दै आएको पौड्यालले प्रष्टाए ।

पूर्वमुख्य सचिब बिमल कोईरालाले एनसेल जालसाँचीपुर्ण तरिकाले जन्मिएको दाबी गरे । ठूला नेताहरुले ऐनसेललाई धाप मारेका कारण राज्यसंयन्त्रमाथि एनसेल हावी भएको उनको भनाइ थियो ।

एनसेलका प्रबन्ध निर्देशक सिमोन पार्कीसलेसेयर परर्बतन गर्दा पहिलाको सेयरवालाले खेल खेलेको भनी आलटाल गरे ।
प्रस्तुतिः भौतिक मल्ल